बुधवार, 20 जुलाई 2011

ਤਿਨਕਾ , ਕਬਰ ਤੇ ਤ੍ਰੇੜਾਂ .....

(1)

ਤਿਨਕਾ .....


ਪਰਬਤਾਂ
ਨੇ ...
ਫਿਰ ਬਾਂਹ ਫੜੀ ਹੈ
ਉਦਾਸੀਆਂ ਅਖਾਂ ਵਿਚ
ਉਡੀਕ ਲਈ ਬੈਠੀਆਂ ਨੇ
ਇਕ ਤਿਨਕਾ ਪ੍ਰੇਮ ਦਾ
ਸਰੋਵਰ ਵਿਚ ਉਛਲਿਆ ਹੈ
ਚਿੜੀ ਉਸ ਤਿਨਕੇ ਨਾਲ
ਆਪਣਾ ਘਰ ਸਜਾਣ ਲਗੀ ਹੈ
ਓਹ ਪਰਬਤ ਲੰਘਨਾ ਚਾਹੁੰਦੀ ਹੈ
ਤਿਨਕੇ ਦੇ ਸਹਾਰੇ ਨਾਲ .......


(2)


ਕਬਰ .....

ਵਕ਼ਤ ਦੀ ...
ਹਥੇਲੀ ਉੱਤੇ
ਪਈਆਂ ਦਰਾਰਾਂ ਨੇ
ਹੋਉਕਾ ਭਰਿਆ ਤੇ
ਹੋਉਲੀ ਜੇਹੀ ਆਖਿਆ ...
ਥਰਾਂ ਮੈਂ ਪੈਰ ਕਿਸ ਥਾਂ ...?
ਹਰ ਦਰਾਰ ਵਿਚ , ਨਫਰਤਾਂ
ਰਿਸ਼ਤਿਆਂ ਦੀ ਕਬਰ
ਖੋਦੀ ਬੈਠੀਆਂ ਨੇ .........


(३)

ਤ੍ਰੇੜਾਂ ......


ਅੱਜ ਦੀ ਰਾਤ
ਬੜੀ ਅਜੀਬ ਹੈ
ਬਾਰਿਸ਼ ਦੀਆਂ ਬੂੰਦਾਂ
ਕੰਬਦੀਆਂ ਰਹੀਆਂ
ਯਾਦਾਂ ਦੀਆਂ ਪੱਤੀਆਂ ਉੱਤੇ ....
ਦਬੇ ਕਦਮਾਂ ਨਾਲ
ਤੇਰੇ ਕਹੇ ਲਫਜ
ਅਖਾਂ ਦੀਆਂ ਕੋਰਾਂ ਦੇ
ਬੂਹੇ ਖੜਕਾਂਦੇ ਰਹੇ .....
ਅਤੇ ਮੈਂ ਦੇਰ ਰਾਤ ਤਕ
ਦੋਹਾਂ ਹੱਥਾਂ ਨਾਲ
ਸ਼ੀਸ਼ੇ ਉਤੇ ਪਈਆਂ
ਤ੍ਰੇੜਾਂ
ਲੁਕਾਂਦੀ ਰਹੀ .....!!

4 टिप्‍पणियां:

  1. tinka, kabar, tredan - the headings themselves are eye-catching . Beautiful expression !

    उत्तर देंहटाएं
  2. ਓਹ ਪਰਬਤ ਲੰਘਨਾ ਚਾਹੁੰਦੀ ਹੈ
    ਤਿਨਕੇ ਦੇ ਸਹਾਰੇ ਨਾਲ .......
    kaas oh parbat paar kar jave
    te mann nu sakoon aa jave

    ....kade mere blog te v aao
    bahut der taun intzar hai

    उत्तर देंहटाएं
  3. ਦਬੇ ਕਦਮਾਂ ਨਾਲ
    ਤੇਰੇ ਕਹੇ ਲਫਜ
    ਅਖਾਂ ਦੀਆਂ ਕੋਰਾਂ ਦੇ
    ਬੂਹੇ ਖੜਕਾਂਦੇ ਰਹੇ .....

    ਹਰਕੀਰਤ ਜੀ ...ਕਮਾਲ ਦਾ ਲਿਖਦੇ ਹੋ ਪੰਜਾਬੀ ਵਿਚ ਵੀ ਤੁਸੀਂ
    ਚਾਰ ਲਫਜਾਂ ਵਿਚ ਕਿੰਨੀ ਵੱਡੀ ਗੱਲ ਕਹ ਦਿੱਤੀ ਤੁਸੀਂ ....ਮੁਬਾਰਕਾਂ

    उत्तर देंहटाएं
  4. ਤਿਨਕਾ, ਕਬਰ , ਤਰੇੜਾਂ... ਬਹੁਤ ਹੀ ਭਾਵਪੂਰਤ ਕਵਿਤਾਵਾਂ ਨੇ...ਬਹੁਤ ਵਧੀਆ... - ਧਰਮਿੰਦਰ ਸੇਖੋਂ

    उत्तर देंहटाएं