ਹਾਇਕੂ ਵਿਚ ਕੁਝ ਅੱਖਰ ....

ਲੰਬੀ ਜਾਪਦੀ
ਰਾਂਝਿਆ ਵੇ ਵਾਪਸੀ
ਕਦ ਹੋਵੇਗੀ ....?

(੨)

ਪੰਛੀ ਪ੍ਰੀਤ ਦਾ
ਉਡ ਗਿਆ ਵੇ ਕਿਤੇ
ਨਾਲ ਹਵਾਵਾਂ ....

(੩)
ਵਿਛੜੇ ਮੇਲੇ
ਜ਼ਿੰਦਗੀ ਦੇ ਵੇਹੜੇ
ਲੁਕਣ ਮੀਚੀ

(੪)
ਸਾਰੀ ਉਮਰੇ
ਰੁੱਖ ਦੋ  ਲਫਜਾਂ ਦੇ
 ਖਿੜੇ ਨਾ ਰੱਬਾ

(੫)
ਧਰਮ ਉਹ
ਪਹਿਨ ਕੇ ਜਿਸ ਨੂੰ
ਬਣੇ ਤੂੰ ਬੰਦਾ

(੬)

ਤੇਰੀ ਮਹਿਕ
ਹੋ ਅੱਖਰ ਅੱਖਰ
 ਬਣੀ ਨਜ਼ਮ

(੭)
ਵਗਦੇ ਪਾਣੀ
ਪੁਛਿਆ,ਹੈ ਵਜੂਦ
ਖੜੇ ਪਾਣੀ ਦਾ..?

(੮)
ਰੱਖੀ ਗਰੰਥਾਂ
ਤਹਿਜੀਬ ਸਾਂਭ ਕੇ
ਆਪਣੇ'ਚ  ਨਾ

(੯)
ਰੱਬ ਵਰਗੀ
 ਉਡੀਕ ਵੇ ਰਾਂਝਿਆ
ਆਖਿਰੀ ਵੇਲੇ

(੧੦)
ਬੰਦ ਹੋ ਗਈ
ਉਮਰਾਂ ਦੀ ਖਿੜਕੀ
ਤੂੰ ਨਾ ਆਇਆ